Ақтөбе облысында менингококк инфекциясына күдікпен 10 маусымда емдеуге жатқызылған баланың диагнозы расталды, деп хабарлайды ДСМ қоғамдық денсаулық комитетінің баспасөз қызметі.
"Бүгінгі күні науқасты облыстық клиникалық жұқпалы аурулар ауруханасының жан сақтау бөлімінде емдеу жалғасуда. Баланың жағдайы тұрақты, динамикасында жақсару байқалады. Барлық байланыста болғандар зерттелді, оларға медициналық бақылау орнатылды, тексеру нәтижесі теріс", - делінген ведомство таратқан ақпаратта.
Айта кетсек, елімізде 2018 жылдың басынан бері менингококк инфекциясының 60 жағдайы тіркелді, оның ішінде 14 жасқа дейінгі балалар арасында - 21 жағдай, 12-і өліммен аяқталған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
