/img/tv1.svg
RU KZ
Ақтөбеде банкке келген ер адам сол жерде қайтыс болды

Ақтөбеде банкке келген ер адам сол жерде қайтыс болды

Ақтөбенің 72 жастағы тұрғыны банкке кредит рәсімдеуге келіп, есінен танып қалды.

15 Қыркүйек 2019 17:51 1641

Ақтөбеде банкке келген ер адам сол жерде қайтыс болды

Інісімен бірге банкке кредит алуға келген егде кісі сол арада жантәсілім етті, деп хабарлайды sputniknews.kz.

Қартаң кісі банк менеджерімен кредит рәсімдеу үшін сөйлесіп отырып, аяқ астынан жағдайы төмендеп, ес-түссіз қалған. Зейнеткер сол күйі есін жимаған, ал оқиға орнына жеткен дәрігерлер еш көмек көрсете алмады.

Облыстық денсаулық сақтау басқармасының баспасөз қызметінің хабарлауынша, жедел жәрдем көлігі 8 минутт жеткен.

Марқұмның туысы сол күні оның көңіл-күйі жақсы болғанын айтады.

«Ешкім не болғанын түсінбей қалды»,– дейді туыстары.

Ақтөбеде АӘК алған 204 отбасы 17 млн теңгені бюджетке қайтарды

Қазір аймақта қайтадан тексеру жұмыстары жүргізілуде.

17 Қазан 2019 16:34 664

Фото: kazpravda.kz

Ақтөбеде  атаулы әлеуметтік көмекке мұқтажбыз деген 204 отбасы тексерулерден кейін мемлекет қазынасына 17 млн теңге қайтарған. Бұл жайында облыс әкімімен жиында жұмыспен қамту және әлеуметтік бағларламалар басқармасының басшысы Ербол Данағұлов мәлімдеді, деп хабарлайды Atameken Business.

Айтуынша, қазір аймақта қайтадан тексеру жұмыстары жүргізілуде.

1227 отбасы табысын жасырып келген. 179 жеке кәсіпкер атаулы әлеуметтік көмекке өтініш берген. Оның 11-і кәсібі тоқтап қалғандар болса, 168-і жалақының ең төменгі көрсеткішінен аспайтын табыс иелері.

Ақтөбеде апатқа ұшыраған оқушы жансақтау бөлімінде жатыр

Автобус жүргізушісі жол ережесін бұзып, Тәжікстан азаматы мінген «Ниссан» көлігімен соқтығысып қалды.  

05 Қазан 2019 17:48 835

Ақтөбедегі жол апаты кезінде бір оқушы ми жарақатын алып, жансақтау бөліміне түсті, деп хабарлайды ҚазАқпарат.

Дәрігерлер жол апатына ұшыраған әр оқушыны қарап шықты. Бір бала ми жарақатымен жансақтау бөліміне түсті.

«Ми жарақаты, мидың жұмсақ тіндері кесілді. Жағдайы тұрақты. Оперативті емге дайындалып жатыр. Тағы бір оқушы травматология бөліміне түсті. Оның қолында кесілген жарақат бар. Балаға хирургиялық ота жасалады. Тағы екі баланы ауруханаға жатқызу мәселесі қарастырылып жатыр. Өміріне қауіп төніп тұрғандай ештеңе жоқ. Барлығы 8 ата-ана әкелінді, оның үшеуі травматологияда ем қабылдайды», - деді облыстық денсаулық сақтау басқармасының басшысы Әсет Қалиев.

Айта кетейік, Ақтөбе қаласындағы Солтүстік айналма жолдың 13 шақырымында жол-көлік оқиғасы тіркелді. Автобус ішінде №9 мектеп-гимназиясының 18 оқушы мен 9 ата-ана болған.