Ақтөбе облыстық ТЖД баспасөз қызметінің мәліметінше, 112 нөміріне хабарлама сағат 22:55-те түскен. Өрт сөндірушілер Ақтөбе қаласындағы Бөгенбай батыр көшесінде орналасқан автогаз құю бекетіне жедел жетіп, тілсіз жауды сағат 23:03-те толық сөндірді, деп жазады inbusiness.kz сайты.
– Өртті сөндіру барысында көлік ішінен 3 адамның мәйіті табылды. Олардың екеуі кәмелетке толмаған. Тағы бір адам ауруханаға жеткізілді, – деп хабарлады Ақтөбе облыстық ТЖД баспасөз қызметі.
Оқиға орнына 10-нан астам техника мен 50-ден астам қызметкер жұмылдырылды. Өрт сөндірушілермен бірге Жедел-құтқару жасағының құтқарушылары және Апаттар медицинасы орталығының мамандары жұмыс істеді.
Қазіргі уақытта өрттің шығу себебі анықталып жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
