Ақтөбе қаласындағы Айбергенов көшесінде гараж бен жазғы үйден өрт шығып, кейін жалын жақын маңдағы жеке тұрғын үйдің шатырына тараған, деп хабарлайды inbusiness.kz сайты.
Өрт туралы хабарлама түскен бойда Төтенше жағдайлар министрлігінің бөлімшелері оқиға орнына жедел жетті. Өрт сөндірушілер жалынның одан әрі таралуына жол бермей, өртті сөндіруге кірісті. Өрттің жалпы аумағы 125 шаршы метрді құрады.
Өртті сөндіру кезінде ТЖМ қызметкерлері қауіпті аймақтан сегіз баллонды алып шықты. Оның ішінде көлемі 50 және 25 литр болатын бес газ және үш оттегі баллоны бар.
Баллондардың қауіпсіз жерге шығарылуы олардың жарылу қаупінің алдын алуға мүмкіндік берді.
Өрт толық сөндірілді. Зардап шеккендер жоқ.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
