Ақтөбе қаласында полицияға қоңырау шалған ер адам жатақханалардың біріндегі бөлмеге жарылғыш зат қойылғанын хабарлады. Оқиға орнына полиция жасағы, жедел тергеу тобы мен шұғыл көмек көрсету қызметі дереу жетіп, саперлер бөлмелерді тексеріп шыққан. Абырой болғанда, ешқандай жарылғыш заттар мен бұйымдар табылған жоқ.
Белгілі болғандай, көпті әбігерге түсірген осы жатақхананың 31 жастағы тұрғыны болып шықты. Ол бұрын да жазасын өтеу орнында отырып шыққан екен. Ащы суға тойып отырып, полицияның қалай жұмыс істейтінін сынап көрмек болыпты. Бұл дерек бойынша ҚР ҚК терроризм акті бойынша жалған ақпарат беру жөніндегі 273 - бабы бойынша іс қозғалып, күдікті қаладағы уақытша ұстау изоляторына қамалды.
Құралай Қуатова
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
