Ақтөбедегі Халықаралық қазақ-орыс университетінің 350 студенті бір күнде оқудан шығарылды. Қазір олар қайда барарын білмей дал болып жүр, деп жазады inbusiness.kz сайты.
Студенттер үшін бұл жаңалық төбеден түскендей болып отыр. Олардың оқудан шығарылғаны туралы бұйрық 18 наурызда шықса, білім алушылар оны тек 26 наурызда естіген. Оған дейін ешқайсысына ескерту берілмеген.
Жыл сайын оқу ақысына 500 мың теңгеге дейін ақша төлейді.
Білім алушылардың айтуынша, сабаққа барған күннің өзінде оқытушылардың өздері орындарынан ешқашан табылмайды.
Университет басшылығы оқу ақысы төленбегендіктен және сабаққа қатысу деңгейі төмен болғандықтан, осындай қадамға бардық дегенді алға тартты.
Айтуларынша, ақпан айынан бастап ішкі тексеріс жүрген. Шәкірттерінің жаппай оқудан шығарылуы соның нәтижесі дейді.
Студенттер мен ата-аналар енді Ғылым және жоғары білім министрлігінен қолдау күтіп отыр.
