Ақтөбе облысының Мәртөк ауданында жоғалып кеткен мектеп оқушысына қатысты іздеу-құтқару жұмыстары жалғасып жатыр, деп жазады inbusiness.kz сайты.
Полицияның мәліметінше, баланың суға құлап кетуі мүмкін деген болжам қарастырылуда. Осыған байланысты негізгі іздеу жұмыстары Елек өзенінің аумағында жүргізіліп жатыр.
Іздестіру шараларына полиция қызметкерлерімен қатар құтқарушылар, сүңгуірлер, кинологтар, әскери қызметшілер және жергілікті тұрғындар тартылған. Сонымен бірге, жылу камерасымен жабдықталған дрондар, арнайы техника мен тікұшақ қолданылуда. Өзенде катерлер арқылы патрульдеу ұйымдастырылған.
Қазіргі уақытта іздеу жұмыстары үздіксіз жалғасуда.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
