Ақтөбедегі жемеменшік мектептің бірінде аутизмге шалдыққан 5 жасар ұл баланы қатарласы сатыдан итеріп жіберген, деп хабарлайды inbusiness.kz сайты КТК арнасына сілтеме жасап.
Оқиға "Мозаика" атты мектепте үзіліс кезінде болған. Балалардың бірі 5 жасар ұлды итеріп жіберіп, баспалдақтан құлатқан. Ол басынан, иығы мен арқасынан жарақат алған. Зардап шеккен баланың анасы оқиға тәрбиешінің балаларды қараусыз қалдырған кезде болғанын айтады.
БАҚ-тың мәліметінше, көзге көрінетін жарақатына қарамастан, мектептегілер жедел жәрдем шақырмаған көрінеді, ата-анасына да хабар бермепті. Анасы тек мектептен алып кетуге келгенде бір-ақ біледі.
Ақтөбе облыстық Полиция департаментінің хабарлауынша, аталған факті бойынша жан-жақты тексеру жүргізіліп жатыр. Оқиғаның мән-жайы анықталуда.
