/img/tv1.svg
RU KZ
Ақтөбедегі қыздар төбелескен үш мектептің директоры қызметінде қалды

Ақтөбедегі қыздар төбелескен үш мектептің директоры қызметінде қалды

Оларды жұмыстан шығарған білім бөлімінің басшысына қатаң сөгіс берілді. 

26 Қыркүйек 2020 13:33 297

Ақтөбедегі қыздар төбелескен үш мектептің директоры қызметінде қалды

Ақтөбе облысы Темір ауданындағы төбелеске қатысқан оқушы қыздар оқитын үш мектептің директоры жұмыстан босатылмайтын болды. Ал оларды жұмыстан өз еркімен кетуге арыз жазуға итермелеген аудандық білім бөлімі басшысына қатаң сөгіс берілді. 

Айта кетейік, 20 қыркүйек күні Темір ауданындағы Кеңқияқ, Сарыкөл, Шұбаршы ауылдарындағы 9 сыныпта оқитын бірнеше қыз өздерінен бір сынып төмен оқитын қызды тепкілеп, ұрып-соққан болатын. Соған байланысты бейнежазба қоғамда үлкен пікірталас тудырды.  

Іле-шала аудан деңгейінде құрылған комиссия қыздар оқитын мектептердің басшыларын кінәлі етіп шығарады. Алайда, бұл шешім де көпшілік тарапынан  сынға ұшырайды. Біріншіден, оқиға жексенбі күні болған, екіншіден, бұл жерде мектеп директорынан гөрі ата-ананың жауапкершілігі басым екені анық. 
Қазіргі күні аудандық комиссия жұмысына көңілі толмаған облыстық білім басқармасы үш директорды да жұмысына қайта қабылдаған. 

«Оларды жұмыстан шығаруға негіз болу керек. Ол үшін зерделеу жұмыстары жүргізілуі тиіс. Аудандық білім бөлімі тарапынан зерделеу жұмыстары өз деңгейінде жүргізілмеген. Мектеп директорлары лауазымдық міндеттерін дұрыс орындалмаған жағдайда ғана шара қолданылады», – дейді облыстық білім басқармасы басшысының орынбасары Нұргүл Бертілеуова.

Темірдегі қыздардың төбелесіне байланысты нақты шешім алдағы аптада айтылады. Әзірге, оған қатысқан он қыздың ата-анасының жұмыс орнына білім басқармасы тарапынан хат жолданған. 

Құралай Қуатова

Оқушыларды тонап жүргендер ұсталды

Күдіктілердің екеуі кәмелеттік жасқа толғандықтан, олар уақытша ұстау изоляторына жеткізілді.

09 Қаңтар 2019 12:55 539

Алматы облысында оқушыларды тонады деген күдікпен үш адам ұсталды. Оның біреуі кәмелеттік жасқа толмаған жасөспірім, деп хабарлайды ҚазАқпарат.

Алматы облыстық полиция департаментінің баспасөз қызметінен мәлім еткендей, үш жігіт соңғы екі айдан бері оқушылардың қымбат ұялы телефондарын, ақшаларын тартып алып отырған. Оқиға Жамбыл ауданындағы Ұзынағаш ауылында болған.

«Ұсталғандар әзірге екі тонау және бір қарақшылық фактісін жасады деп тергелуде. Олардың өзге де қылмыстарға қатысы бар-жоғы тексеріліп жатыр. Күдіктілердің екеуі кәмелеттік жасқа толғандықтан, олар уақытша ұстау изоляторына жеткізілді», – делінген аталған ведомствоның таратқан ақпаратында.

Аталмыш фактіге орай ҚР ҚК-нің 191 («Тонау») және 192-інші («Қарақшылық») баптарына сәйкес сотқа дейінгі тергеу жүруде. 

ШҚО-ның үш ауданында мектеп оқушыларына сабақ тоқтатылды

10 Желтоқсан 2018 12:27 357

Бүгін ауа температурасының төмендеуі мен үскірік желге байланысты Зырян, Көкпекті және Шемонаиха аудандарында оқушыларға сабақ болмайды деп хабарлайды kaz.altaynews.kz облыстық ТЖД сайтына сілтеме жасап.

Зырян ауданында таңертең ауа температурасы -33 градусты көрсеткен. Осыған орай бірінші ауысымдағы 1-9 сынып оқушыларына сабақ болмайды.

Көкпекті ауданында 31 градусқа дейін аяз болатындықтан, бірінші ауысымның 1-9 сыныптарындағы оқушылар сабаққа бармайды. Ал Шемонаиха ауданында бастауыш сынып оқушыларына сабақ тоқтатылды. Бұл жақта -23 градус аяз және қатты жел.