Ақтөбеден Қызылордаға, Оралға және Шымкентке тікелей рейстер ашылады

155

1 мамырдан бастап "Южное небо" әуекомпаниясы Ақтөбе мен Орал және Ақтөбе мен Қызылорда арасында тұрақты тікелей рейстерді орындай бастайды.  

Ақтөбеден Қызылордаға, Оралға және Шымкентке тікелей рейстер ашылады Фото: Ақтөбе облысының әкімдігі

Ал Шымкентке ұшақтар 2 мамырдан ұшуын қайта бастайды. Әуе рейстерінің ашылуы жолаушылардың саяхаттауына және іскерлік сапарларға жаңа мүмкіндік, деп жазады inbusiness.kz сайты. 

Әлия Молдағұлова атындағы Ақтөбе халықаралық әуежайы әкімшілігінің мәліментінше, Ақтөбеден-Оралға рейстер аптасына екі рет: сәрсенбі және жексенбі күндері, ал кері бағытта — дүйсенбі және бейсенбі күндері жүзеге асырылады. Билеттер 16 мың теңгеден бастап сатылады.

Ақтөбеден-Қызылордаға рейстер аптасына екі рет: дүйсенбі және бейсенбі күндері, ал кері бағытта — сәрсенбі және жексенбі күндері орындалады. Билет құны 26 мың теңгеден басталады.

Scat әуекомпаниясы Ақтөбе-Шымкент-Ақтөбе бағытындағы рейстерді дүйсенбі, сәрсенбі, жұма және жексенбі күндеріне жоспарлаған, ал Flyarystan әуекомпаниясы аталған қалаға 1 маусымнан бастап сәрсенбі және жексенбі күндері рейстерді орындамақ. Билеттер сатылымда, 18 мың теңгеден жоғары.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу