Кеден одағының техникалық регламенттерін сақтау тұрғысынан зертханалық зерттеулер үшін шығу тегі күмәнді импорттық өнімдердің (снектар) 14 үлгісі сатып алынғаны нақтыланды.
ҚР ДСМ Санитариялық-эпидемиологиялық бақылау комитеті Ақтөбе облысындағы мектептердің бірінің оқушыларын шығу тегі күмәнді өнімдермен (снектер) жаппай улану фактісі бойынша дүкендерге мониторинг жүргізіп, кейбір өнімдерді зертханалық тексеруге алды, деп хабарлайды inbusiness.kz сайты.
"Аталған өнім бойынша жедел ден қою шаралары қабылданды, ол сатудан алынды. Көрсетілген тағамдарды сататын сауда нысандарына техникалық регламенттердің талаптарына сәйкес таңбаланған сәйкестік туралы декларацияның міндетті түрде болуымен тамақ өнімдерін сатуға қабылдау жөніндегі талаптардың сақталуы туралы хабарламалар жіберілді. Қазіргі уақытта осы өнімді әкелуге және сатуға тыйым салуды қоса алғанда, санитариялық-эпидемиологиялық іс-шаралар жүргізілуде", – деп мәлімдеді ҚР ДСМ Санитариялық-эпидемиологиялық бақылау комитеті.
