Бұл туралы Ақтөбе облыстық төтенше жағдайлар департаменті хабарлады.
Ғарыштан мониторинг жасау барысында Орынбор облысындағы Кувандық қалалық округі маңында далалық өртеніп жатқаны анықталды. Көрші мемлекеттің өрт сөндірушілері аталған аумақта сөндіру жұмыстарын жүргізген. Мәртөк ауданының мамандары қызыл жалын Бөрте елді мекеніне таралмас үшін жағдайды бақылауға алды.
"Аудандық төтенше жағдайлар бөлімінен алты адам арнайы техникамен барды. Одан бөлек Бөрте шекара бөлімінде 5 адам, еріктілерден 5 адам үш арнайы техника кезекшілікке шықты. Кезекішлік бүгін таңғы сағат 8 сағат 40 минутта аяқталды. Ресей Федерациясы аумағында шыққан өрт елді мекенге қарай таралған жоқ" - деп хабарлады Ақтөбе облыстық төтенше жағдайлар департаментінің баспасөз қызметі.
