20 және 22 қазанда Ақтоғай – Аягөз бағытындағы қала маңындағы пойыз қатынасы уақытша тоқтатылады, деп хабарлайды inbusiness.kz сайты.
"Қазақстан темір жолы" ҰК" АҚ-ның Семей магистральдық желі бөлімшесінің мәліметінше, аталған күндері Аягөз – РЗД-22 теміржол учаскесінде күрделі жөндеу жұмыстары жүргізіледі. Осыған байланысты пойыздар қозғалысына уақытша шектеу қойылады.
Сондай-ақ 20 және 22 қазан күндеріне аталған бағыт бойынша жол жүру билеттерін сату тоқтатылады.
"Жолаушылардан сапарларын алдын ала жоспарлап, уақытша өзгерістерді ескеруді сұраймыз", – делінген хабарламада.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
