"Ақжайық" футбол клубының бұрынғы басшысы Азамат Шайхы ұсталды, деп хабарлайды inbusiness.kz сайты.
Сыбайлас жемқорлыққа қарсы қызмет агенттігі сотқа дейінгі тергеу аясында "Ақжайық" ЖШС бұрынғы директорының ұсталғанын растады.
"Күдікті соттың санкциясымен қамауға алынды. Өзге де ақпарат жария етуге жатпайды. Тергеу жалғасуда", – делінген агенттік хабарламасында.
Еске салсақ, Азамат Шайхы "Ақжайық" футбол клубының директоры қызметінен 2022 жылдың маусым айында өз еркімен кеткен.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
