Өскемен мен Семей қалаларында карантин шараларының күшейтілгенімен, Алакөл демалыс базалары демалушыларды қабылдай береді, деп хабарлайды Altaynews.
Бұл туралы Туризм және сыртқы байланыс басқармасы мәлім етті.
ШҚО-дағы ең танымал көлдегі демалыс базалары 13 маусымнан бастап ашылған болатын. Қазір ол жаққа көліктің барлық түрлері – пойыз, ұшақ, автобус жүріп түр.
Демалыс базаларында барлық санитариялық-эпидемиологиялық талап сақталған. Демалушылар әлеуметтік ара қашықтық пен маскалық режимді сақтауға, антисептик қолдануға тиіс.
Облыстың бас мемлекеттік санитариялық дәрігерінің қаулысына сәйкес, Алакөлде демалу үшін Covid-19 инфекциясына тест тапсырып, анықтама алып келу қажет.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
