DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 311,62 Brent 36,55
Алакөлдің жағасында балалар лагерін салу ұсынылды

Алакөлдің жағасында балалар лагерін салу ұсынылды

Бұл тері ауруларымен ауыратын балалар мен мүмкіндігі шектеулі балалар үшін аса қажет.

17 Мамыр 2019 17:34 546

Алакөлдің жағасында балалар лагерін салу ұсынылды

Тері ауруларымен ауыратын, мүмкіндігі шектеулі балалар үшін Үржар ауданындағы Алакөлдің жағасында 220 орындық жаңа жаздық лагерь салу аса қажет. Шығыс Қазақстан облыстық білім басқармасының басшысы Сайрангүл Жұмаділова осылай айтты, деп хабарлайды altaynews.kz.

Аталмыш лагерьде сауықтыру, оңалту орындарымен қатар, ойын-сауық-танымдық іс-шаралар да ұйымдастырылатын болады. Яғни, мұнда жабық бассейн, ойын аймағы, амфитеатр, емдік денешынықтыру жүргізу үшін жаттығу залы бар спортзал, спорттық алаң, кинозал, кітапхана, дәрігер қабылдайтын кабинеті, физиологиялық кабинет, оқшаулағыш, логопедтік пункті және тұздық шахтасы бар медициналық блок қарастырылмақ.

«Үржар ауданында орналасқан қолданыстағы ішкі істер министрлігінің шипажайын жөндеуден өткізу нұсқасын тағы бір қарастырып, екінші мәрте сараптама жүргізу қажет. Алдағы уақытта өзім де сол жерде болып, ғимаратты көремін. Бұл лагерь балалардың демалысына ғана емес, сонымен бірге емделіп, денсаулықтарын түзетуіне де мүмкіндік туғызады. Себебі, бұл жерде Алакөлдің тамаша емдік мүмкіндігін пайдалануға нақты мүмкіндік бар. Бұдан бөлек Семейдегі Қарағайлы ықшам ауданында орналасқан пансионатта да оқушыларды сауықтыру жағын ойластырыңыздар. Біздің балаларымыз сауықтырудың бірегей мүмкіндіктерімен қамтылуы қажет», – деді облыс әкімі әкімдіктің кезекті мәжілісінде.

inbusiness.kz-ті қараңыз, оқыңыз :

Туризм саласы табысын жоғалтуда

Сондықтан осы саладағы кәсіпкерлер сақтық шараларын жеңілдетуді талап етуде.  

26 Мамыр 2020 22:49 177

Туризм саласы табысын жоғалтуда

Ал туризм нысандары табысын жоғалтуда, деп хабарлайды Atameken Business.

Ақмола облысындағы демалыс және сауықтыру орындары 2 ай бойы тоқтап тұр. Сондықтан біраз кірістен қағылды. Туристік нысан иелері жоқ дегенде жаз келісімен жұмысты бастауға рұқсат беруді сұрап отыр.

20-ыншы наурызда жұмысын тоқтатқан шипажайлардың бірі – Бурабайда орналысқан. Демалыс орны санитарлық талаптарды сақтауға әзір. Бірақ ол – қосымша шығын. Шипажай болса, 2 айда шамамен 50 миллион теңге кірістен қағылды. Бұл бір ұжым бойынша ғана.

Ал облыста барлығы 700-ден астам туристік нысан бар. Олардың қол жеткізе алмай қалған табысын есептеп жатқан ешкім жоқ. Мамандар жылдағы көрсеткіштің жартысын орындасақ, сол тәубе дейді. Қазір нысандар қаңырап бос тұр. Қызметкерлер жұмыссыз.

Ресейде балалар лагері өртенді

2 қыз бала қайтыс болды.

23 Шілде 2019 16:13 210

Ресейде балалар лагері өртенді

Ресейдің Хабаровск өлкесінде балалар лагері өртеніп, 2 қыз бала қайтыс болды, деп хабарлайды Atameken Business.

Күйік шалған тағы бір баланың жағдайы ауыр.

Тілсіз жау басталған кезде «Холдоми» лагерінде жасы 7 мен 15 арасындағы барлығы 189 оқушы болған. Лагерьдегі 26 күркенің 20-сы өртенген.

 

Жаңалықтарға жазылу: