Биыл Алакөлге қосымша тікелей әуе рейстері ашылады, деп хабарлайды 24.kz.
Алакөлге туристердің қызығушылығы жоғары. Аймақта былтырдың өзінде 800 мыңға тарта адам демалған. Табиғаты жанға сая өлкеде 180-нен аса демалыс орны жұмыс істейді. Былтырдың өзінде қосымша 19 нысан ашылды. Нәтижесінде 209 жаңа жұмыс орны пайда болды.
Жалпы, облыстың бұл саладағы әлеуеті зор. Айталық, 4 жылда өңірдегі туристік қызмет көрсету деңгейі 2 есеге артқан.
"Биылғы туристік маусымнан бастап Алматы, Астана, Өскемен және Семей қаласынан Алакөл жағалауындағы Үшарал аэродромына әуе ұшақтары тікелей ұшатын болады. Жалпы билеттердің құны 7 мың теңгенің маңайында болады. Бүгінгі министрліктің мақсаты – осы демалыс аймағына ең бірінші өзіміздің қазақстандық заматтардың баруына ыңғайлы жағдай жасау. Сондықтан Алматы облысы болсын, жан-жақты жергілікті болсын, республикалық бюджеттен қолдау көрсетіліп жатыр", - дейді ҚР МСМ туризм индустриясы комитетінің департамент директоры Жалғас Балғожин.
