Нақтырақ айтқанда, 17 маусымнан бастап №457/458 пойызы "Семей-Достық" бағытында күн ара қатынайды. Пойыздар Семей стансасынан тақ, ал Достық стансасынан жұп күндер бойынша жүреді.
Сондай-ақ, 17 маусымынан бастап №459/460 пойызы "Өскемен-1 – Достық" бағытында күн ара шығатын болды. Өскемен-1 стансасынан тақ, Достық стансасынан жұп күндері жолға шығады.
20 маусымнан бастап №257/258 пойызы "Нұр-Сұлтан-1 – Достық" бағытында аптасына 2 рет қатынайды (жексенбі және бейсенбі күндері). Пойыз Нұр-Сұлтаннан, дүйсенбі, Достықтан жұма күндері жөнелтіледі.
"Курорттық аймақ бағытында аптасына 2 рет жиілігімен қатынайтын №54/53 "Нұр-Сұлтан – Достық" пойызы бар. Одан бөлек, жазда құрамында "Нұр – Сұлтан-Достық" тіркемелі вагоны бар №121/122 "Нұр-Сұлтан-Семей" пойызы жүріп тұр. №6941/6942 "Ақтоғай-Семей" пойызына Ақтоғай стансасында қайта тіркелетін №21/22 "Қызылорда-Семей" пойызы құрамындағы "Алматы-Достық" қатынасындағы тікелей вагон барын да еске саламыз",–делінген компания таратқан мәліметте.
Жолаушылар пойызының қозғалыс кестесі бойынша анықтамалық ақпаратты "105" нөмірі арқылы алуға болады.
Аян Бекенұлы
