Сонымен қатар, орынсыз заңнамалық өзгерістерден қорғап, жедел және тез шешімдер қабылдауға да ықпал етеді, деп хабарлайды inbusiness.kz сайты.
– Алатау жобасына қатысты реттеу актілерін әзірлеу барысында міндетті түрде осындай құқықтық жүйелерді құру ісінде мол тәжірибесі бар білікті шетелдік сарапшыларды тарту қажет.
Қала әкімшілігі негізгі реттеу актілерінің барлығын бір жылдың ішінде қабылдауды жоспарлап отыр. Қаланы дамыту жөніндегі кеңес бұл істі мейлінше тез қолға алуы керек. Жұмысты соза беруге болмайды. Әйтпесе, инвестициядан құр қаламыз. Бизнес өкілдері де бізге сеніп отыр, сондықтан, бұл жұмысқа нұқсан келтіруге болмайды.
Халықаралық инвесторлар қолайлы жағдай жасайды деп, жылдар бойы күтіп отырмайды. Олар қай жерде мол мүмкіндік болса, соған сай бірден шұғыл шешім қабылдайды, – деді Қасым-Жомарт Тоқаев.
Президент Алатау жобасына қатысты заңнамалық жұмыс жылдам әрі сапалы жүргізуді тапсырды. Өйткені, ол аса маңызды стратегиялық міндет саналады.
