Олар Тараз тұрғындарына өздерін азық-түлік тауарларын көтерме бағамен сататын өкілдер ретінде таныстырған. Осылайша арзан бағаға "оптовый" тауар әпереміз деп сенімге кіріп, тараздық талай тұрғынды алдап соққан.
Жедел-іздестіру іс-шаралары барысында қолға түскен күдіктілердің 23 пен 42 жастағы жергілікті тұрғындар екендігі анықталып отыр. Полиция қызметкерлері келтірілген залалдың жалпы көлемі 7 000 000 теңгеден асқанын мәлімдеді. Ұсталғандар кінәсін толық мойындаған.
Қазір осы дерекке бойынша Қылмыстық кодекстің 190-бабы 2-бөлігі бойынша сотқа дейінгі тергеп-тексеру амалдары жүргізілуде.
Жалпы Қылмыстық кодекске сай, мұндай қылмысы үшін күдіктілердің мүлкі тәркіленіп, 3 жылға дейінгі мерзімге белгілі бір лауазымдарды атқару немесе белгілі бір қызметпен айналысу құқығынан айыру немесе 4 жылға дейінгі мерзімге бас бостандығын шектеу не сол мерзімге бас бостандығынан айыру жазасына тартылуы мүмкін.
Ардақ Үсейінова
