Алаяқтар Ақмола тұрығынын алдаймыз деп ақшаны байқаусызда алматылық қызға аударып жіберді, деп хабарлайды Inbusiness.kz сайты.
Көкшетау тұрғыны ерекше жағдайды басынан өткізді. 19 қарашада полицияға 63 жастағы қала тұрғыны алаяқтық туралы арызбен жүгінген. Әйел бірнеше сағат бұрын телефонына, содан кейін WhatsApp қосымшасы арқылы өзін полиция қызметкері деп таныстырған белгісіз адамдардан екі қоңырау түскенін хабарлады.
"Алаяқтар хабарлағандай, өтініш берушінің ұлы жаяу жүргіншіні қағып кетіп, жол-көлік оқиғасын жасаған. Алаяқтар зейнеткерді ұлының қабырғалары сынғанын, сонымен қатар жаяу жүргінші ауыр жағдайда деп қорқытты. Алайда жәбірленуші тарап 300 мың теңге сұрады деп алаяқтар бірден жағдайдан шығуды ұсынды. Қорыққан қала тұрғыны қоңырау шалушыларға мұндай сома жоқ екенін, алайда ол 200 мың теңге аударуға дайын екенін айтты. Қолда бар сомаға келісе отырып, алаяқтар әйелге ақша жіберу қажет болатын абоненттік нөмірді көрсетті. Бірақ кейінірек белгілі болғандай, алаяқтар қателесіп, абоненттік нөмірдің соңғы екі санын дұрыс көрсетпеген", - дейді ПД.
Барлық нұсқауларды мұқият тыңдап, әйел терминал арқылы ақша аударған, содан кейін ғана ұлына оның жағдайы туралы білуге қоңырау шалған. Полицияға жүгініп, жедел-іздестіру іс-шараларын жүргізгеннен кейін қызметкерлер ақшаның Алматы қаласының 31 жастағы тұрғынына жіберілгенін анықтады, барлық жағдайды түсіндіргеннен кейін ол ақшаны заңды иесіне қайтарып берді.
