Ауыл шаруашылығы қызметкерлерінің күніне орай 19-20 қарашада Астанада арнайы жәрмеңке өтеді, деп хабарлайды inbusiness.kz елорда әкімдігінің ресми сайтына сілтеме жасап.
Жәрмеңке елорданың оң және сол жағалауында: Жүргенов, 29 және Сауран, 7 мекенжайы бойынша өтеді. Өнімдер нарық бағасынан 10-15%-ға төмен сатылады.
Ауыл шаруашылығы өнімдерін өндірушілер ет, шұжық өнімдері, ұн және макарон өнімдері, сондай-ақ әлеуметтік маңызы бар азық-түлік өнімдерінің барлық түрін ұсынатын болады.
Қарашаның үшінші жексенбісінде Қазақстанда ауыл шаруашылығы қызметкерлері күні аталып өтеді. Мереке аясында мұндай жәрмеңкелер Қазақстанның барлық аумағында ұйымдастырылады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
