"Қазгидромет" алдағы 15-17 қарашаға арналған ауа райын болжамын ұсынды.
Синоптиктердің ақпаратына сәйкес жауын-шашын мен күшті жел алып келген атмосфералық ағынмен циклон Қазақстаннан ығысып, Батыс Сібірдің солтүстік аудандарынан суық антициклон таралады. Солтүстік облыстарда ғана емес, республиканың оңтүстігінде де температура төмендейді деп күтілуде. Антициклон ықпалымен алдағы үш тәулікте Қазақстанның солтүстігі жауын-шашынсыз болмақ, бірақ күн суытады, түнгі температура 20...27ºС, кей жерлерде 30ºС аяз болады. Қазақстанның оңтүстігі мен оңтүстік-шығысында қар жаууы мүмкін. Кей өңірлерде шығыстан күшті жел соғып, боран болады.
Түнде температура 5-15ºС төмендейді. Бұл Қазақстанның барлық аумағындағы ағымдағы кезең үшін климаттық нормадан 5-13ºС төмен.
