Алдағы мамыр мерекелерге байланысты (Қазақстан халықтарының бірлігі күні, Отан қорғаушылар күні және Жеңіс күні) қосымша пойыздар жолға шығады, сондай-ақ қосымша вагондар тіркеледі, деп хабарлайды Жолаушылар тасымалы баспасөз қызметі.
1. №205/206 "Алматы-2-Түркістан" бағыты бойынша:
Алматы-2 ден 2 және 9 мамыр күндері, ал Түркістаннан сәйкесінше 3 және 10 мамыр күндері жүреді.
2. №207/208 "Ақтөбе-Бейнеу" бағыты бойынша:
Ақтөбеден 30 сәуір, 2, 4, 7 және 9 мамыр күндері, ал Бейнеуден сәйкесінше 1, 3, 5, 8 және 10 мамыр күндері қосымша пойыз шығарылады.
3. Қала маңы тасымалы бойынша бір бағыттағы №7510 "Нұр-Сұлтан-1-Павлодар" пойызы Нұр-Сұлтан-1 ден 8 мамыр күні жөнелтіледі.
Сонымен қатар, жолаушы көп жүретін бірқатар бағытқа қосымша вагондар тіркеледі.
Толық ақпаратты "105" анықтама нөміріне қоңырау шалып, білуге болады.
