Орталық коммуникациялар орталығында өткен баспасөз мәслихатында "Жолаушылар тасымалы" АҚ бас директорының корпоративтік мәселелер жөніндегі орынбасары Асылхан Қалдыкөзов алдағы мерекелердің қарсаңында теміржол тасымалы қалай ұйымдастырылатынын айтты.
"Желтоқсан, қаңтар мерекелеріне арнап қосымша маршруттар аштық. Яғни, сұраныс жоғары бағыттарға қосымша маршруттарды мейлінше көбірек шығарамыз. Оған қоса пойыздарды барынша тиімді пайдалану үшін маршруттарды өзгерту жоспарлануда. Осылайша қолданыстағы теміржол құрамы сұраныс жоғары бағыттарға көбірек тартылады. Жетоқсан мерекелерінде сұраныс жоғары пойыздарға күніне 50-70 вагон жалғаланатын болады. Иелігіміздегі вагондар паркі түгелдей тасымалға атсалысатын болады. Осы арқылы жолаушылардың сұранысын мейлінше ақанағаттандырамыз деп ойлаймын", – деді ол.
Акционерлік қоғам өкілі қосымша жолға шығатын 7 пойыздың көбі Нұр-Сұлтан қаласынан оңтүстік, батыс және шығыс өңірлерге қатынайтынын айтады.
"Ал күн сайын сұраныс жоғары пойыздарға жалғанатаын қосымша вагондар 13 желтоқсаннан қаңтар айындағы каникул аяқталғанға дейін жұмыс істейді", – деді ол.
Есімжан Нақтыбайұлы
