2022 жылы Нұр-Сұлтанда 10 мың әлеуметтік пәтер салынады, деп хабарлайды inbusiness.kz.
"2022 жылы кемінде 10 мың әлеуметтік пәтер салуды жоспарлап отырмыз. Аудандар "Нұр-Сұлтан – жайлы қала" мастер-жоспарының тұжырымдамасына сәйкес дамып жатыр. Оған сәйкес әлеуметтік нысандар жақын маңайға салынады... 2020 жылы 7 мың әлеуметтік пәтер салынды. Биыл бұл көрсеткішті 10 мыңға жеткіземіз. Келесі жылы да осындай көлемде пәтер саламыз", – деп жазды елорда әкімі Алтай Көлгінов Instagram-дағы парақшасында.
Ол қалада қолжетімді тұрғын үй құрылысының көлемін ұлғайтумен қатар, тұрғын үй бағдарламаларын жетілдіру бойынша да жұмыс жүргізіліп жатқанын атап өтті.
"Қатысушылар санатын едәуір кеңейттік, тұрғын үй сертификаттарының мөлшерін 1 млн теңгеден 1,5 млн теңгеге дейін ұлғайттық", – деп жазды Алтай Көлгінов.
