Қазақстандық теннисші жартылай финалда әлемнің 22-ракеткасы, германиялық Александр Зверевпен шеберлік байқасты.
Бірінші партияда брейк жасаған А.Бублик 5:2 есебімен алға кетіп, сол басымдылығын сақтап қалды – 6:3.
Екінші сетте есеп 5:5 болған мезетте Бублик тағы бір брейкке қол жеткізді. Содан кейін матчқа доп бергенде, мүлт кеткен жоқ – 7:5.
Сағат жарымға жуық уақытқа созылған бәсеке барысында А.Бублик 14 эйс жасап, 5 брейк-пойнттың екеуін пайдаланды. Қарсыласы 9 эйспен көзге түсті.
Осылайша, ірі доданың финалына шыққан А.Бублик бас жүлде үшін әлемнің 7-ракеткасы, ресейлік Андрей Рублев немесе рейтингте 23-орындағы испаниялық Роберто Баутиста-Агуттың біреуімен таласады.
А.Бублик осы табысы арқасында қазірдің өзінде ATP Live рейтингісінде 33-сатыға көтеріліп тұр.
