АҚШ Көлік қауіпсіздігі басқармасының мәліметінше, әлем чемпионаты басталғаннан бері америкалық ведомстволар стадиондардың маңында 300-ден астам дрон тәркілеген, деп хабарлайды inbusiness.kz сайты.
АҚШ Азаматтық авиация федералдық басқармасы шектеулі әуе кеңістігіне рұқсатсыз кіріп отырған дрон операторларына 100 мың долларға дейін айыппұл салынатынын, сондай-ақ қылмыстық жауапкершілікке тартылатынын және дрондары тәркіленетінін мәлімдеді.
Матч күндері әуе қозғалысын басқарушылар рұқсат берген жағдайларды қоспағанда стадиондар айналасындағы 3 теңіз милі радиусында және жер деңгейінен 3 мың фут биіктікте дрондарды қоса алғанда барлық әуе кемелерінің ұшуына тыйым салынды.
ФТБ рұқсат етілмеген дрондарды анықтау және залалсыздандыру үшін әлем чемпионаты матчтарын өткізетін стадиондарға қызметкерлер топтарын жібергені туралы хабарланды.
