Финалда Хорватияны 4-2 есебімен жеңіп, чемпион атанған Франция құрамасы ФИФА тарапынан 38 млн доллар сыйақы алады, деп хабарлайды Atameken TV.
Ал жалпы біріншіліктің жүлде қоры 400 млн доллар. Екінші орынға тұрақтаған хорваттар 28 млн, үшінші сатыға жайғасқан Бельгия 24 млн алса, ағылшындарға 22 млн доллар тиесілі.
Топтан шыққан Ресей, Бразилия, Уругвай құрамалары 16 млн доллардан алады.
Ресейдің 11 қаласында өткен мундиальға 3 млн-ға жуық турист келген. Ал кешегі Лужникиде өткен финалды 78 мың адам стадионнан тамашалады. Сондай-ақ кеше Ресей Федерациясының президенті Владимир Путин 2022 жылы Әлем біріншілігін қабылдайтын Катар еліне өткізу құқығын салтанатты түрде табыс етті.
22-ші Әлем чемпионаты ауа райына байланысты қараша мен желтоқсан айларында өтуі мүмкін.
