Алғашқы ең жеңіл салмақта чемпион Хекки Бадлер (32-3, 10 КО) IBF белбеуінен бас тартты. Чемпион міндетті қарсылас - никарагуалық Феликс Альварадомен (33-2, 29 КО) жұдырықтасқысы келмеген, деп хабарлайды vRINGe.com-ға сілтемемен vesti.kz.
Чемпион мен үміткердің командалары жекпе-жек туралы келісімге келе алмағандықтан, промоутерлік сауда белгіленген. Ал бұл саудаға тек никарагуалық боксшының промоутері Сэмпсон Левковиц (Sampson Boxing) қатысқан. Екі чемпиондық белбеу тігілген жекпе-жекті (Бадлер WBA Super белбеуіне де ие) ұйымдастыру құқығын промоутер 25 мың долларға сатып алды.
Балдер жекпе-жекке келіскен жағдайда 18,75 мың доллар, ал Альварадо 6,25 мың доллар алатын еді. Бадлер чемпиондық белбеулерді 2018 жылдың мамырында жапониялық Речи Тагучимен (27-3-2, 12 КО) жұдырықтасып, жеңіп алған.
ESPN мәліметінше, бос қалған белбеу үшін Альварадо мен филиппиндік Рэнди Петалкорину (29-2-1, 22 КО) жұдырықтасатын болады.
Айта кетейік, Халықаралық бокс федерациясы (IBF) өз белбеуін қазақстандық Геннадий Головкиннен (38-0-1, 34 КО) тартып алған болатын. Бұған себеп міндетті қарсылас Сергей Деревянченкомен (12-0, 10 КО) 3 тамызға дейін жекпе-жек өткізу туралы жазбаша келісім бермеу болды.
Осыдан кейін IBF белбеу үшін Деревянченко және онымен бірге жаттығатын америкалық Дэниэл Джейкобс (34-2, 29 КО) арасындағы жекпе-жекке рұқсат берді.
