Бүгін Атырауда спорттың грэпплинг түрі бойынша әлем чемпионы Есенбек Сиғуатовтың өліміне қатысты тиесілі органнан ресми мәлімет жоқтығы жөнінде жазған едік. Қазірде осы оқиғаға байланысты облыстық полиция департаменті хабарлама таратып отыр. Онда "Атырау полицейлері 9 тамыз сағат 03.10 шамасында Атырау қаласы Дамбы ауылының екі тұрғыны арасындағы келіспеушілік барысында қару қолданылып, салдарынан 2002 жылы туған азамат оқтан дене жарақатын алып, ауруханада қайтыс болған. Полиция қызметкерлері ізін суытпай қылмысқа күдіктіні анықтап, 1994 жылы туған азамат уақытша ұстау изоляторына қамауға алынды. Іс бойынша қажетті сараптамалар тағайындалды" деп жазылған. Қазір ҚР ҚК адам өлтіруді қарастыратын 99-бабы бойынша сотқа дейінгі тергеу амалдары жүргізілуде.
Құралай Қуатова,
Атырау облысы
