Ұлыбританиялық зиялы қауым өкілдері де Қазақстан астанасының халықаралық әуежайын Нұрсұлтан Назарбаевтың есімімен атау бастамасын қолдап, қуаттап отыр. Кембридж университетінің аға қызметкері Ширин Акинер бұл бүкіл әлемде бар үлгілі үрдіс екенін айтады, деп хабарлайды 24.kz.
"Көрнекті тұлғалардың есімін әуежайларға беру – барлық елдерге тән үрдіс. Мен бұл мәселені зерттеп көрсем, әлемде 400-ден астам әуежайға танымал қайраткерлердің аты беріліпті. Ұлыбританияда бұл үрдіс үзілген емес. Мәселен, Ливерпульдегі әуе қақпасы талантты музыкант Джон Леннонның есімімен, Белфаст қаласындағы әуежай әйгілі футболшы Джордж Бесттің атымен аталады, ал Донкастердегіге аты аңызға айналған Робин Гудтың есімі берілген. Соңғысы сол аймақтың символы іспеттес. Меніңше, бұл – өте маңызды қадам. Нұрсұлтан Назарбаев – елдегі һәм жаһандық күрделі мәселелердің күрмеуін шешуге ерен еңбек сіңірген қайраткер", - дейді Кембридж университетінің аға қызметкері Ширин Акинер.
