Бұл туралы Ұлттық Банк төрағасы Ғалымжан Пірматов айтты, деп хабарлайды inbusiness.kz.
"Сыртқы секторда инфляцияның жаһандық деңгейде қарқын алуы үздіксіз жалғасып келеді. Оның өсуіне азық-түліктің қымбаттауы айтарлықтай үлес қосады. Биыл наурызда ФАО азық-түлік бағаларының индексі 1990 жылдан бері ең жоғары деңгейге жетті. Өткен жылдың өзінде ол 33,6%-ға өсті. Азық-түліктің әлемдік бағасы 2022 жылы да, 2023 жылы да жоғары деңгейде қалады деп күтілуде", – деді спикер.
Ғалымжан Пірматовтың сөзінше азық-түлік пен шикізаттың негізгі нарықтарындағы сұраныс пен ұсыныс арасында дисбаланс байқалады.
Ал бұл геосаяси дағдарыс, тыңайтқыштар бағасының жоғары болуына, сондай-ақ тауар жеткізу жолдарындағы кедергілер аясында орын алып отыр.
Құралай Құдайберген
