Әлемде коронавирус жұқтырғандар саны 189 млн 998 мың 957-ге жетті, деп хабарлайды inbusiness.kz Джонс Хопкинс университетіне сілтеме жасап.
Пандемия басталғалы бері COVID-19 вирусынан 4 млн 82 мың 349 адам қайтыс болған.
Коронавирус жұқтырғандар саны 15 млн-нан асқан елдер қатарына АҚШ, Үндістан және Бразилия енді.
Ауру жұқтырғандар мен қайтыс болғандар саны бойынша көшбасында АҚШ тұр: 34 миллион 69 мың 64 адам коронавирусқа шалдыққан, 608 мың 898 адам қайтыс болған.
Екінші орында Үндістан: 31 млн 106 мың 65 коронавирус жұқтырған, 413 мың 609 адам аурудан көз жұмған.
Үшінші орында Бразилия: 19 млн 342 мың 448 адам COVID-19 жұқтырған, 541 мың 266 адам қайтыс болған.
Worldometer мәліметінше, 18 шілдеде таңертең әлемдегі 1 млн тұрғынға өлім-жітім коэффициенті 525,9 болды. АҚШ-та 1 миллион тұрғынға шаққанда 1 876 адам, Үндістанда – 297, Бразилияда – 2 528 адам көз жұмған.
