Елімізде бір жыл ішінде мұнай өндіру 6%-ға төмендеді, бірақ экспорттық баға айтарлықтай өсті, деп хабарлайды inbusiness.kz тілшісі energyprom.kz-ке сілтеме жасап.
2021 жылдың қаңтар -маусымында елде 36,2 млн тонна мұнай өндірілді. Халықаралық келісімдерді ескере отырып, бұл өткен жылмен салыстырғанда 5,8% аз болады деп күтілуде.
Өндірістің негізгі көлемі Атырау облысына тиесілі болды: 23,4 млн тонна мұнай,(- 6,6%). Екінші және үшінші орындарда Маңғыстау (8,2 млн тонна, - 4,2%) мен Ақтөбе (2,4 млн тонна, + 0,4%) облыстары тұр.
2020 жылы қазақстандық өндіріс 73 млн тоннаны құрады, бұл 2019 жылмен салыстырғанда 7,2% -ға аз.
2021 жылдың қаңтар-мамырында Қазақстаннан жалпы құны 10,5 млрд доллар болатын 27 млн тонна шикі мұнай экспортталды. Физикалық көрсеткіштердің төмендеуі 11,7%, ақшалай түрде - бірден 24,1% болды.
Биыл ТМД елдеріне 25,2 млн АҚШ долларына 70,7 мың тонна ғана мұнай экспортталды. Негізгі импорттаушылар Ресей (35,1 мың тонна) мен Өзбекстан (35,7 мың тонна) болды.
ТМД-дан тыс елдерге 10,5 млрд АҚШ долларына 26,9 млн тонна мұнай экспортталды. Бұл жерде Италия дәстүрлі түрде көшбасшы болып табылады: 7,1 млн тонна - бір жыл бұрынғыдан 10,1% аз. Нидерландыға (3,9 млн тонна) және Францияға (2,3 млн тонна) да айтарлықтай шикізат тасымалданды.
Биылғы жылдың мамырында битумды минералдардан алынған шикі мұнай мен шикі мұнай өнімдерінің экспорттық жеткізілімдерінің құны жылдық есепте 2,2 есе, ал айына 2,4% -ға өсті. Жылдық динамикада мұнай бағасы ТМД елдері үшін 3,7 есеге өсті; алыс шетелдер үшін - 2,2 есе.
EAI мәліметтері бойынша, 2020 жылы әлемде күніне орташа есеппен 94,2 млн баррель шикі мұнай өндірілді. Әлемдік өндірістің 20%-ы АҚШ -тың үлесіне тиеді. Үздік үштікке Сауд Арабиясы мен Ресей де кірді - әр елге 11%-дан келеді. Бұл ретте алғашқы ондыққа кірмейтін Қазақстандағы мұнай өндіру үлесі тәулігіне 1,9 млн баррель немесе әлемдік көлемнің 2%-ын құрады.
Еске сала кетсек, ҚР Премьер-министрінің ресми ресурсы 2023 жылы Атырау облысында жылына 12 млн тонна қосымша мұнай өндіруге мүмкіндік беретін үшінші буын зауыты іске қосылатынын хабарлаған.
Құралай Құдайберген
