/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 442,30 Brent 36,55
Әлемде вирус жұқтырғандардың саны 13 миллионнан асты

Әлемде вирус жұқтырғандардың саны 13 миллионнан асты

Індеттің таралу қарқыны күн санап өсуде.

14 Шілде 2020 11:15 127

Әлемде вирус жұқтырғандардың саны 13 миллионнан асты

Фото: rbk.ru

Жаңа коронавирус инфекциясынан қаза тапқандардың саны әлем бойынша 13 миллионнан асты. Джонс Хопкинс Университетінің дерегіне сүйенсек, осы күнге дейін вирустан 570 мың адам қаза тапқан. 7,1 миллион адам ем-дом қабылдап жазылған. АҚШ, Бразилия және Үндістан елдері індеттің таралуы бойынша көш бастап. Құрама Штаттарда дертке шалдыққандардың саны 3,3 миллионға, Бразилияда 1,8 миллионға, Үндістанда 800 мыңға жеткен. Осылардан кейінгі орында – Ресей. Бұл елде 700 мың адам вирус жұқтырып, оның 11 мыңы көз жұмған. 

Індеттің таралу қарқыны күн санап өсуде. Мысалы,  28 маусымда 10 миллион, 4 шілдеде 11 милллион, 9 шілдеде 12 миллион адамның ауруға шалдыққаны тіркелген еді. Осы айда науқастардың саны 3 миллионға көбейген. 

Табиғат Нұрболат
 

Коронавирус: G20 саммитінің қорытындысы

26 наурызда G20 елдері басшыларының саммиті алғаш рет видео конференция форматында өтті.

27 Наурыз 2020 10:20 328

Коронавирус: G20 саммитінің қорытындысы

Тараптар коронавируспен күрестегі бірлескен әрекеттер мен пандемияның экономикалық салдарын талқылады. 

Олар мынадай келісімге келді:
- Коронавирус пандемиясымен бірлесе күрес жүргізу;
- Індет салдарымен күреске 5 трлн доллар бөлу;
- Халықаралық сауданың тұрақты және еркін жүргізілуін қамтамасыз ету үшін бірлесе жұмыс атқару;
- Дүниежүзілік денсаулық сақтау ұйымы, БҰҰ және Халықаралық валюта қорымен бірлесе індетке қарсы күрес жүргізу;
- ДДҰ-на қаржылай көмек көрсету;
- Коронавирус пандемиясы кезінде ДДҰ-ның өкілеттігін кеңейту;

Сонымен қатар G20 елдері Халықаралық валюта қоры мен Дүниежүзілік банкті пандемия салдарына қатысты мәліметтермен бөлісуін сұрап, Халықаралық еңбекті ұйымдастыру және экономикалық ынтымақтастық пен даму Ұйымына пандемияның жұмыс орындарына қалай әсер етіп жатқанын қадағалауды тапсырды.

Табиғат Нұрболат

Үндістан экономикасын ынталандыру үшін 22,6 млрд доллар бөледі

Биліктің мұндай шешімді қабылдауына пандемия түрткі болып отыр.

26 Наурыз 2020 17:38 324

Үндістан экономикасын ынталандыру үшін 22,6 млрд доллар бөледі

Үндістан үкіметі коронавирус пандемиясынан зардап шеккендерге 22,6 млрд доллар шығындамақ. Елдің қаржы министрінің айтуынша, одан бөлек азық-түлік мәселесі де қарастырылатын болды. 

Алдағы үш айда билік жағдайы төмен тұрғындарды тегін газбен қамтамасыз етіп, медициналық қызметкерлерге 5 миллион рупий көлемінде сақтандыру төлемін үлестірмек.

Айта кететін жайт, Үндістанда 25 наурыздан бастап қатаң оқшаулану режимі енгізілген. 21 күн бойы барлық өңірлер арасындағы шекаралар жабық болады. Барлық тұрғындар үйлерінен шықпауы тиіс, яғни коменданттық сағат жарияланды. 

Соңғы ресми мәліметке сүйенсек, елдегі науқастардың саны 649-ға жеткен, 13 адам індеттен қайтыс болған.

Табиғат Нұрболат