Sciencefocus порталының мәліметінше, Таоның IQ көрсеткіші – 230 балл. Бұған дейінгі ең жоғары тіркелген нәтижелер 200 бен 250 балл аралығында болған.
"Математика Моцарты" атанған Тао 9 жасында университет деңгейінде математикалық талдауды меңгере бастаған. Ал 16 жасында Принстон университетінің аспирантурасына қабылданды. 20 жасында докторлық дәрежесін қорғап, 4 жылдан кейін профессор атанды.
Теренс Тао – математика саласындағы көптеген беделді марапаттардың иегері, соның ішінде 4 жылда бір рет табысталатын Филдс медалінің де лауреаты. Ол 10 жасында Халықаралық математикалық Олимпиадаға (IMO) қатысқан ең жас қатысушы ретінде тарихта қалды және қола медаль жеңіп алды – бұл рекорд әлі күнге дейін жаңарған жоқ.
Таоның 18 кітабы мен 300-ден астам ғылыми еңбегі бар. Ол әріптесі Бен Гринмен бірге жай сандардан тұратын кез келген ұзындықтағы арифметикалық прогрессиялардың бар екенін дәлелдеген – бұл сандар теориясындағы шынайы серпіліс болып саналады.
2025 жылы Теренс Тао көпшілік алдында ChatGPT оған күрделі математикалық есепті шешуде Python тілінде код жазып, бірнеше сағат жұмысын үнемдеуге көмектескенін мойындады. Бұл – жасанды интеллекттің "математика Моцартына" көмектескен сирек жағдайлардың бірі.
