Өрт сөндіруге әрі суда құтқару жұмыстарына арналған, қытайлар ойлап тапқан әлемдегі ең алып AG600 ұшақ-амфибия алғашқы сынақтан сүрінбей өтті, деп хабарлайды islam.kz.
Аталмыш ұшу құралы Гуандун провинциясына қарасты Чжухай қаласының әуежайынан жергілікті уақыт бойынша 09.38-де көкке көтерілген. Әуе кемесі көкте 64 минут болып, 3 мың шақырым биіктікке дейін көтерілген. Оны техникалық қызметкерлер отырған өзге ұшақтар қадағалап, бірге ілесіп жүрді.
Сынақ барысында ұшақтың маневр жасай алатынына, ақаусыз ұшуына назар аударылған. Аталмыш ұшақ бортында экипаждың 4 мүшесі болған.
Айта кетейік, Қытай мамандары AG600-ді өткен жылдың шілде айында құрастырып біткен еді. Бұл ұшақ теңіздегі тіршілік ортасына мониторинг жүргізуге арналған құрылғылармен жабдықталған, сондай-ақ, ол жолаушылар мен жүк тасымалдайды. Бұған қоса, қазба байлықтарды барлау, кен орындарын іздеу жұмыстарына да жарамды.
