Жаһандық экономиканың қалпына келуі бұған дейінгі болжамға қарағанда қарқындырақ болады. Morgan Stanley сарапшылары осындай пікірде.
Олардың пікірінше, әлем экономикасы коронавирус пандемиясына бейімделіп, қандай қадам жасау керектігін үйренген көрінеді. Инвестициялық банк америкалық экономика дағдарысқа дейінгі көрсеткіштерге 2021 жылдың екінші тоқсанында, ал дамушы елдер үшінші тоқсанда жетеді деп отыр.
Дегенмен індет әзірге басыла қойған жоқ, бірқатар ел экономиканы қолдау мақсатында қыруар қаражат бөліп жатыр. Аналитиктер 2025 жылға дейін індетпен күреске шамамен 35 триллион доллар кетеді дегенді айтты. Қазір экономика сәл де болса оңалып келеді, бірақ келешекте жұмыспен қамту қарқыны бәсеңдейді деген күдік бар.
Табиғат Нұрболат
Фото: standard.co.uk
