"2022 жылғы 14-15 қыркүйекте Тәуелсіздік даңғылы, 52 мекен-жайындағы Тәуелсіздік сарайында VII Әлемдік және дәстүрлі діндер лидерлерінің съезі өтеді", – деп жазылған хабарламада.
Ұйымдастырушылар бұл шешім делегаттар санының көптігін, журналистердің жұмысына қолайлы жағдай жасауды ескере отырып қабылданғанын түсіндірді.
Осыған дейінгі съездер Бейбітшілік және келісім сарайында өткен. Бұл ғимарат 2006 жылы айтулы шараларды өткізуге арнайы салынған.
Бұдан бөлек ақпаратта 13 қыркүйекке жоспарланған Съезд хатшылығының XX отырысы Бейбітшілік және келісім сарайының дәстүрлі алаңы аясында өтетіні айтылған.
Айта кетейік, Діндер съезіне әлемдегі 50-ден астам елден 100-ден аса делегация қатысады деп жоспарланып отыр. Осы уақытқа дейін 130-дан астам шетелдік журналист аккредитациядан өткен.
