Қазақстандық оқушылар командасы Франциядан күміс және қола медальдарымен оралды, деп хабарланды академик Шахмардан Есенов атындағы ғылыми білім беру қорының ресми сайтында.
Ол жерде IESO 2017 Жер туралы ғылымдар бойынша халықаралық олимпиада өтті.
Өскемен қаласының математика, физика, информатика саласындағы дарынды балаларға арналған облыстық мамандандырылған мектептің 11 сынып оқушысы Глеб Смирнов, олимпиадада жеке есеп бойынша қола жүлдегер атанды. Ол медалін геология, астрономия, геофизика, метеорология, океанография және астрономия бойынша сұрақтар мен тапсырмаларды қамтитын екі жазбаша және төрт практикалық тестілеу нәтижелеріне сәйкес ұтып алды. Бірінші орынды қытайлық вундеркинд иеленді.
Оқушы геологияны екінші сыныптан бері зерттеп келеді және бірнеше ғылыми жобаның авторы болып табылады, атап айтқанда, ол биылғы жылы Солтүстік Зайсан маңындағы экзогендік үдерістерді зерттеп жүр.
Жарыс өткен Ниццада медальдарды қазақстандық делегацияның басқа да қатысушылары жеңді. Астаналық оныншы сынып оқушысы Аружан Қалымова және он екінші сынып оқушысы Мөлдір Шыңғыс Earth Science Project тапсырмасы бойынша екі түрлі халықаралық командалар мүшелері күміс жүлде иеленді. Бұл қоршаған ортаны қорғау, жаһандық жылыну, басқа планеталарды игеру және т.б. тақырыптар бойынша өткізілетін жоба-сайыс.
Естеріңізге сала кетейік, Қазақстанның жас геологтар командасы биыл елімізде 90 жылдығы аталып отырған Академик Шахмардан Есенов атындағы ғылыми-білім беру қорының қолдауының арқасында IESO олимпиадасына қатысты. Францияда 21 тамыздан 30 тамызға дейін әлемнің 30 елінен 130 оқушы сайысқа түсті. Оларды құрамында Жапония, АҚШ, Австралия университетінің профессорлары болған қазылар алқасы бағалады. Халықаралық Жер туралы ғылымдар бойынша олимпиада (IESO – International Earth Science Olympiad) – геология, метеорология, геофизика, океанография және астрономия сияқты пәндер бойынша орта мектеп оқушылары арасында өткізілетін жыл сайынғы жарыс.
