Экономикалық ынтымақтастық және даму ұйымына кіретін әлемнің жетекші экономикалары әлі де коронавирустық пандемия салдарынан толық қалпына келе алмады, деп хабарлайды Inbusiness.kz "Коммерсантъ" басылымына сілтеме жасап. Олардың негізгі көрсеткіштері 2019 жылғы деңгейден төмен.
ЭЫДҰ-ға мүше елдердің жалпы ЖІӨ 2021 жылдың екінші тоқсанында бірінші тоқсанмен салыстырғанда 1,6%-ға өсті. 2019 жылғы деңгейден едәуір түсіп кеткен ел – Британия (-4,4%). Одан кейінгі орындарда Италия (-3,8%), Франция және Германия (-3,3%).
Ал АҚШ-та, керісінше, бұл көрсеткіш өсті. Бұл елдің экономикасы 2021 жылдың екінші тоқсанында 2019 жылдың төртінші тоқсанымен салыстырғанда 0,8%-ға артты. Британияда ЖІӨ-нің ең үлкен өсімі сәуір және маусым айлары аралығында байқалды (4,8%). Қаңтар және наурыз айларында 1,6% болды.
Табиғат Нұрболат
