/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 406,30 Brent 36,55
Әлеуметтік маңызы бар азық-түліктерді импорттау үшін «жасыл дәліз» ашылды

Әлеуметтік маңызы бар азық-түліктерді импорттау үшін «жасыл дәліз» ашылды

Бұл шаралар бірінші кезекте тұтынатын тауарлар дефицитін тудырмау үшін қолға алынды.

18 Наурыз 2020 15:17 259

Әлеуметтік маңызы бар азық-түліктерді импорттау үшін «жасыл дәліз» ашылды

Қазақстан Республикасы Қаржы министрлігінің Мемлекеттік кірістер комитеті елімізде жарияланған төтенше жағдайға байланысты, халық тұтынатын әлеуметтік маңызы бар импортталатын азық-түліктерге «жасыл дәліз» орнатты.

Мемлекеттік кірістер комитетінің дерегінше, 2019 жылдың 1 қаңтарынан бастап Қазақстанға жалпы құны 554,6 млн АҚШ долларын құрайтын 872 мың тонна тауар кіргізілген.

Атап айтқанда: қант – 165 мың тонна ($55,9млн), құс еті – 148 мың тонна ($143 млн), пияз – 133 мың тонна ($30,5 млн), сүт – 118 мың тонна ($56,8 млн), орамжапырақ – 85 мың тонна ($24 млн), 78 мың тонна ($14,6 млн) – сәбіз сияқты әлеуметтік маңызы бар азық-түлік қатарына жатқызылған 19 түрлі тауар импортталған.

Қазіргі таңда бірінші қажеттілік тауарларын тасымалдайтын негізгі компанияларға кедендік тексеріс, сараптама, және тауардың құнын кедендік бақылау сияқты шаралар қолданылмайды.

Сондай-ақ, қазір шекарада өзге санаттағы бизнес субъектілеріне әкімшілік жүктемелерді азайту үшін «қызыл және сары дәліздердің» жұмысы қысқартылған.

Президент тұтынушылардың құқығын қорғау туралы заңның жаңа нұсқасына қол қойды

Құжат Экономикалық ынтымақтастық және даму ұйымының тұтынушыларды қорғаудың аралас моделіне негізделе отырып әзірленген. 

26 Маусым 2020 15:17 291

Президент тұтынушылардың құқығын қорғау туралы заңның жаңа нұсқасына қол қойды

Парламент қабырғасында қызу талқыланып келген құжатта бірқатар өзгерістер бар, деп хабарлайды Atameken Business.

Атап айтсақ, енді әлеуметтік маңызы бар азық-түлік тауарларын сататындарға өндірушілер мен көтерме жеткізушілердің бағасынан 15%-дан артық үстеме қоюына шектеу енгізілді. Талаптар бұзылған жағдайда әкімшілік жауапкершілік қарастырылған. Бұл норма азық-түліктің негізсіз қымбаттауын тежеуге мүмкіндік береді. Ал, бірінші қажеттілік тауарлардың қатырна заң бойынша ұн, жарма, жұмыртқа, күнбағыс майы, тұз және басқа да 19 өнім түрі енген.

Сауда және интеграция министрі Бақыт Сұлтановтың айтуынша, жалпы құжат Экономикалық ынтымақтастық және даму ұйымының тұтынушыларды қорғаудың аралас моделіне негізделе отырып әзірленген. Заң шағымдарды қараудың үш сатылы жүйесін енгізуді көздейді. Біріншісі – сатушының шағымды өз бетінше немесе дауларды сотқа дейін реттеу институттары арқылы қарауы. Екіншісі – шағымды Уәкілетті органға жіберу. Ал соңғысы сотқа шағым беру. Министрдің айтуынша, бұл норма ерекше даулы жағдайларда ғана қолданылуға тиіс.

Әкімдер азық-түлік бағасын неге тұрақтандыра алмай отыр?

2019 жылы әлеуметтік маңызы бар бірқатар тауардың құны 10,4 пайызға артты. 

05 Ақпан 2020 17:29 418

Әкімдер азық-түлік бағасын неге тұрақтандыра алмай отыр?

Қаңтарда әлеуметтік маңызы бар бірқатар тауар 0,3% пайызға қымбаттаған, деп хабарлайды Atameken Business.

Бұл ақпаратты кеше ғана Сауда және интеграция министрі Бақыт Сұлтановтың өзі айтқан болатын. Былтыр өңірлерде бағаны шектен асыру фактісі 67, ал биыл 7 жағдай тіркелген. Соған қарамастан жергілікті әкімдіктегілер шара қолданбай отырған көрінеді. Үкімет басшысы бағаға қатысты бұған дейін де бірнеше рет ескерту жасағанымен, жағдай түзелер емес. Неге әкімдер азық-түлік бағасын тұрақтандыра алмай отыр?