Шара шеңберінде премьер-министр Асқар Мамин алдағы 5 жылда 977 мың отбасыға 103 млн шаршы метр үй салынатынын жариялады, деп хабарлайды Inbusiness.kz.
"Жол картасы 4 бағыттан, 362 іс-шарадан тұрады. Бірінші – "Баршаға тең мүмкіндік", екінші – "Зияткер, саламатты және ыждағатты ұлт, үшінші – "Экономика мен өңірлердің тұрақты дамуы", төртінші – "Халыққа есеп беретін мемлекет және жауапты азаматтар", – деді үкімет басшысы.
Асқар Маминнің сөзінше, 5 жылда 977 мың отбасыға 103 млн шаршы метр үй салынады.
"284 мың пәтер әлеуметтік тұрғын үй ретінде жеңілдікпен беріледі", – деді премьер министр.
Асқар Маминнің айтуынша, 3 трлн теңгеден астам қаражат әлеуметтік төлемдерді индекстеуге жұмсалады. Әлеуметтік саланың мәселесін жүйелендіру мақсатында 2021 жылы "Әлеуметтік кодекс" әзірленіп, 2023 жылы қабылданады.
Қанат Махамбет
