Министр ҰЭМ басшысы Еуропа және Орта Азия өңірі бойынша дүниежүзілік банктің вице-президенті А. Бъердемен кездесу өткізді.
"Қос тарап өзара ынтымақтастық мәселелерін талқылады. Министр елімізде жүргізіліп жатқан әлеуметтік-экономикалық дамуды қамтамасыз етуге бағытталған реформалар туралы айтып берді. ДБ вице-президенті Қазақстанның бұл бағыттағы іс-әрекетін жоғары бағалады", – деп жазылған ҰЭМ баспасөз қызметінің хабарламасында.
Сондай-ақ Әлібек Қуантыров жұмыс сапары аясында Мемлекеттік департамент пен АҚШ Қаржы министрлігінің өкілдерімен бірқатар екіжақты кездесу өткізді.
"Қатысушылар әлемдік нарықтағы жағдайды талқылады. Әлеуметтік-экономикалық жағдай үшін туындайтын тәуекелдерді нивелирлеу мақсатында Қазақстанның бірқатар дағдарысқа қарсы, оның ішінде макроэкономикалық тұрақтылықты қамтамасыз етуге бағытталған шаралар қабылдап жатқанын атап өтілді", – деп жазылған хабарламада.
