"Әлем бір орында тұрмайды, әрдайым өзгеріп отырады. Осыған байланысты біз экономикалық саясатты да соған қарай икемдеп отыруымыз қажет. Шағын және орта бизнес – маңызды сала. Мысалы, дамыған елдерде шағын және орта бизнестің үлесі 50%-дан асады, ал бізде бұл көрсеткіш 37%-ға жуықтайды. Осы тұста негізгі міндет – оны көтеру. Содан кейін қарапайым халықтың әл-ауқатын арттыру, атап айтқанда өңірлік теңгерімсіздікті жою, ауылдарды дамыту деп кете береді. Мемлекет басшысының инаугурациядан соң бірінші Жарлығы ауылдарды дамыту тұжырымдамасы екендігі баршаға мәлім", - деді ведомство басшысы.
Министрдің айтуынша, аталған тұжырымдаманы ұлттық экономика министрлігі әкімдіктермен бірлесіп қарастыруда.
Бұдан бөлек Әлібек Қуантыров 2020 жылы ел экономикасында ең ірі теріс өсім байқалғанын да тілге тиек етті.
