Әзербайжан президенті Ильхам Әлиев түрік әріптесі Режеп Тайып Ердоғанға қоңырау шалып, оны және республикалық одақты Түркиядағы президенттік және парламенттік сайлауда көпшілік дауысқа ие болуымен құттықтады, деп хабарлайды inbusiness.kz Әзербайжан Республикасы басшысының баспасөз қызметіне сілтеме жасап.
Әзербайжан басшысы Ердоғанның басшылығымен Түркия дамудың үлкен белесінен өткенін және бұл тұжырымның дәлдігі "бауырлас түрік халқының басшысына деген сенімінен көрінеді" деп атап өтті.
Ердоған өз кезегінде Әлиевке көрсеткен ілтипаты мен құттықтаулары үшін ризашылығын білдіріп, екі ел арасындағы достық пен бауырластық қарым-қатынастардың тұрақты және мызғымас екенін атап өтті.
Бюллетеньдердің 99,9%-ы саналды. Оның қорытындысы бойынша, Ердоған 49,34% дауыс жинады. Оның басты қарсыласы - "Ұлттық альянс" алты партиялы оппозициялық бірлестігінің кандидаты Кемал Кылычдароғлуға дауыс берушілердің 45%-ы сенім білдірді. Түркия ОСК 28 мамырда Мемлекет басшысының сайлауында дауыс берудің екінші турын өткізетінін жариялады.
