Астанада сот алиментті уақытылы төлемеген ер адамнан тұрақсыздық айыппұлын өндіріп алды, деп хабарлайды inbusiness.kz сайты.
Кәмелетке толмағандардың істері жөніндегі мамандандырылған ауданаралық соты бұрын сот шешімімен жауапкерден балаларын күтіп-бағу үшін ай сайынғы табысының 1/3 бөлігі өндірілгені туралы анықтады.
Белгілі болғандай, сот орындаушысының қаулысымен 2021 жылдың қаңтарынан 2024 жылдың наурыз айына дейінгі мерзімге берешек сомасы 3 млн теңге көлемінде екені айқындалған, ол тек 2024 жылдың сәуір айында өтелген.
Балалардың анасы борышкерден алиментті уақылы төлемегені үшін тұрақсыздық айыппұлын өндіруді сұрады.
Сот берешек бар және ол уақытында өтелмеген деген қорытындыға келді. Осыған сәйкес, жауапкердің алиментті уақтылы төлемеудегі кінәсі дәлелденді.
Балалардың әкесіне 2 млн теңге көлемінде тұрақсыздық айыппұлын төлеу түріндегі азаматтық-құқықтық жауапкершілік жүктелді.
Сот талап қоюды қанағаттандырды.
Шешім заңды күшіне енді.
