Алматы қаласының ауданаралық мамандандырылған арнайы соты АлмаТВ-ның акционері – Asset Invest-ті банкрот деп таныды. Бұл туралы соттың баспасөз қызметіне сілтеме жасап LS хабарлайды.
Соттың баспасөз қызметінің түсіндіруінше, RBK Bank-тің проблемалық кредиттерін басқаратын DSFK арнайы қаржы компаниясы Asset Invest-ті банкрот деп тану жөнінде арыз берген. Ақпаратқа сай, Asset Invest-тің банкке қарызы 22 млрд теңгеден асады.
"Сот отырысының қорытындысы бойынша судья Арман Тұрғынбаев Asset Invest-ті банкрот деп тану жөнінде шешім шығарды. Сондай-ақ компанияны таратып, барлық филиалын тіркеу есебінен шығару жөнінде, борышкердің мүлкі мен істі басқару құқығы уақытша басқарушы Оспанбековке берілсін деген шешім қабылданды", - деп түсіндірді соттың баспасөз қызметі.
Естеріңізге сала кетейік, бұған дейін авторлық құқықты бұзғаны үшін АлмаТВ мүлкіне 2,2 млрд теңге көлемінде бұғат салынған болатын.
