Алматы әкімдігі "Южный" саябағындағы жер учаскесін мемлекет мұқтажы үшін мәжбүрлеп алып қою туралы сотқа талап арыз берді, деп жазады inbusiness.kz informburo.kz-ке сілтеме жасап.
Бұл туралы Ерболат Досаев Бостандық ауданының тұрғындарымен кездесуде хабарлаған.
"Әзірге жер иесі өтемақы мөлшерімен келіспей жатыр. Сол себепті де әкімдік жер учаскесін мемлекет мұқтажы үшін мәжбүрлеп алып қою туралы экономикалық сотқа талап арыз берді. Оң шешім қабылданған жағдайда "Южный" саябағының аумағы 2,8 гектарға ұлғаятын болады", – деді Ерболат Досаев.
Бүгінде жер учаскесі "Jusan Property" ЖШС-не тиесілі. 2007 жылы қала әкімдігі учаскені жеке меншік иесіне ("Turkuaz Invest" ЖШС) сатқан. Қала тұрғындары саябақ аумағында кезекті тұрғын үй кешені пайда болады деп қауіптенген.
19 сәуірде қала әкімдігі учаскені алып қою туралы қаулы қабылдады.
Фото: Vlast.kz
